|第一次嚟試omakase,個set入面有前菜,刺身,鐵板燒,壽司等等.
龍蝦刺身切得比較厚,咬落爽脆.
牛肉薄燒好多汁,雖然有少少多油,不過就好有牛味.
壽司就係由師傅手握,帶子巨大鮮甜.
深海池魚就同埋薑蔥一齊食,魚味好出.
之後嘅金目鯛嘅魚味比啱先嘅深海池魚仲突出.
拖羅肥美,食落滿足.
海膽嘅質感幾軟滑,唔錯.
鰻魚卷中間包住紫蘇葉同蟹籽,加埋一齊食感覺唔膩.
喜知次係日本嘅高價魚,燒完之後點啲撈埋蘿蔔蓉嘅酸汁食,雖然算唔上驚為天人,但口感的確幾好.
然後就係龍蝦湯,入面有金菇等等蔬菜.
甜品係抹茶雪米糍,配埋紅豆蓉甜甜哋咁.
沒有留言:
張貼留言