漢堡一般 ~ Homemade Pizza

我同朋友叫咗兩份lunch,個餐係包檸檬水.分別要咗原味同薑味.飲落酸度同薑味都唔突出.不過清清哋都OK.

原隻焗薯,上面有煙肉,蔥,芝士碎同sour cream,另外仲有炸薯條,係一份非常多澱粉質,非常飽肚嘅餐.

穀鉰牛漢堡包,賣相都幾靚仔.



個麵包都幾厚同鬆軟,芝士就半溶,睇落似係薄餅成日用嗰啲碎芝士,而唔係片裝芝士.入面仲有番茄,生菜同蘑菇,夾埋一齊食好似中和咗啲膩感.

主角穀鉰牛漢堡就非常大件同扎實,不過食起嚟無咩調味,仲有啲淡,只係靠芝士同其他材料嘅鹹味而令佢有少少味.


唔,可能薄餅先係佢哋主打...

啱胃口 ~ 泰榮華

 
蒜香牛油雞翼,食嗰陣仲係熱辣辣,好香蒜蓉味,都幾惹味.

泰式生菜包,啲豬肉嘅味調得幾好,酸酸辣辣咁,但係啲菜就麻麻,唔夠大塊,比較難包.

泰式冬陰功湯個湯入面有南薑,香茅,蝦,草菇之類,夠味但又唔會辣得好緊要,除咗啲蝦肉有少少霉之,飲落比預期中ok.

清真菜定茶餐廳 ~ 馬家莊清真館

我哋去咗馬家莊清真館食夜晚嗰餐,叫咗咖喱牛腩,干扁四季豆,大餅牛肉卷同京蔥羊肉餃.

咖哩牛腩同干扁四季豆最OK,大餅牛肉卷入面有甜醬,食落好北京填鴨feel,自己就覺得有啲怪.京蔥羊肉餃非常羶,唔係太討好.

綜合嚟睇好似同我哋平日食過嘅清真菜有啲唔同,反而似間茶餐廳多啲.