呢日去咗espuma,門口有好多黑板畫.
都幾靚呀!
餐牌入面啲菜式都幾吸引,好多都想食,揀咗幾樣試試.牛油果蝦沙律入面嘅蝦肉鮮甜,牛油果軟熟,芒果酸甜,加埋雜菜配油醋汁,食落開胃.
炸蟹鉗墨魚汁燴飯,每粒意大利飯都均勻咁蘸滿墨魚汁,同埋煮得外軟內有咬口,仲灑咗啲即磨芝士碎提味,蟹鉗方面炸得外面香脆入面彈牙,表現唔錯.
烤鴨胸紅菜頭意大利麵,鴨胸油脂唔多口感鬆化.意大利麵被紅菜頭染成紫紅色,煮得啱啱軟身有咬口,入面仲有切粒紅菜頭同乾番茄,味道甜甜哋都幾清新.
咖啡另外有本餐牌,款式都幾多樣化.呢杯棉花糖咖啡係凍飲嘅,頂層放咗輕輕燒焦咗嘅棉花糖,同埋用金箔點綴,杯邊就蘸咗朱古力,好似飲緊一杯甜品咁.
沒有留言:
張貼留言