鍾意叻沙多啲 ~ 吉利尼

我哋之前食過叻沙覺得唔錯,呢度嘅海南雞飯係連骨嘅,感覺普普通通.

仲食咗馬來米暹,配料有蝦,芽菜,豆卜,蔥,蛋,炸乾蔥,米暹醬同青檸就放咗晌側邊,食起嚟辣辣哋酸酸哋,都唔差嘅,不過佢係撈麵,加上濕料唔多,食落都幾dry,自己都係鍾意叻沙多啲.

客家菜 ~ 東江大飯店

咕嚕肉話就話係肉,其實全部都係骨嚟,不過個皮都幾薄幾脆,都幾惹味.

霸王雞啲蔥油比隻雞仲多,睇落都幾搞笑,但肉質唔鞋,幾滑.

魚香茄子煲入面嘅茄子吸晒鹹魚啲味,有少少辣辣哋,味道係幾好,不過油份幾高,食食下就停晒手.

百花釀大腸,唔知係我哋理解錯定點,以為係釀咗蝦膠嘅豬大腸,點知實物反而似係豬大腸釀蝦膠,啲蝦膠多到…而且佢本身又唔係全部蝦肉打成,估計夾雜咗麵粉之類,都有少少伏嘅感覺.