嚟到佐敦嘅Bigger Burger Cafe,佢係晌澳牛對面嘅,
入面啲牆畫咗唔同食物嘅畫.
張檯其中一部份用咗圖案磁磚拼貼而成,都幾靚.
店名叫Bigger Burger,當然係用漢堡做主打,款式仲有十幾款.
先試黑松露煎蛋安格斯漢堡,個體積都真係好大.
佢仲有厚切薯條同雜菜沙律伴碟,賣相都幾吸引.
麵包中間夾住煎蛋,芝士,安格斯漢堡扒,番茄,紫洋蔥,生菜,豆苗同黑松露醬,安格斯漢堡扒大約有一吋厚,份量十足,配埋黑松露醬等等,微酸香口,都幾惹味.
試埋三文魚忌廉汁意粉,塊三文魚煎得外皮焦脆,忌廉汁就沾晌意粉表面,仲有啲車厘茄,洋蔥絲同豆苗晌度,食落酸酸哋幾啱胃口.
兩份餐都包埋飲品,我哋就揀咗熱咖啡同熱檸茶.
沒有留言:
張貼留言