農曆新年期間同屋企人去咗稻香飲茶,嗰日見張點心紙有唔少新春意頭菜,其實即係平時嘅嘢,不過就改咗其他名.
我哋叫咗個叫金磚滿屋嘅菜式,即係七味豆腐件,的的骰骰咁嘅豆腐外皮炸得薄脆,表面蘸滿七味粉,食落香口,內層都算滑溜.
原蝦燒賣皇,上面用咗蝦籽同原隻蝦仁點綴,入面嘅絞肉都加咗隻蝦仁,扎實爽口有肉汁.
金勾炸兩腸,腸粉皮加咗啲青蔥,厚薄度適中,不過包晌中間嘅炸兩幾腍,稍為爭咗少少口感.
煉奶炸饅頭,其中一隻炸饅頭炸得過火咗少少,表面顏色較深,好彩外層脆口,內層鬆軟唔癡牙,蘸少少煉奶一齊食都唔錯.
訂閱：
張貼留言 (Atom)
五分鐘船程嘅築地 ~ 築地山貴水產市場
由尖沙咀嗰邊搭天星小輪,大約五分鐘左右船程就嚟到灣仔碼頭嘅築地山貴水產市場,幾方便. 呢度係由日本東京築地市場嘅批發商經營,落戶香港約一年左右. 入面嘅海鮮係由日本同世界各地直送,一直好想嚟試,呢日終於成行. 入口附近係零售區,售賣唔少日本產嘅食品同飲品,另外...
-
諗唔到食乜,就去咗譚仔三哥買外賣返去食. 成日都食三哥酸辣湯底,呢次就食下煳辣湯底,都係揀咗中辣,湯質比較濃稠,飲落有啲啲黏口感,辣度就好似比三哥酸辣稍弱,味道亦稍稍鹹一啲啲,但就幾有香料香,唔係只係得辣味,口感好似比較豐富,感覺都唔錯. 湯入面本身就有芽菜,韭菜,腐皮,另外加咗... -
去咗金城食嘢. 餐廳入面貼咗好多勵志金句,例如係呢句"是非天天有,不聽自然無". 我哋叫咗兩份餐,揀咗熱奶茶同凍奶茶,茶味同奶味算平均. 沙爹牛肉通粉嘅通粉煮得稍腍,沙爹牛肉嘅份量就唔算少,肉質軟滑不失肉味.火腿奄列蛋皮煎得唔嚡,中間仲有蛋汁流出,火腿絲又...
沒有留言:
張貼留言