呢日約咗人,見時間尚早就去咗文華冰廳食少少嘢.
門口設有餅櫃,入去之後就係濃濃嘅真懷舊港式冰室風格,當日仲有啲外藉旅客.
呢度啲位都幾迫幾窄,卡位亦被佔據,於是就同其他食客搭檯.
我叫咗份特餐,牛油餐包,火腿奄列,沙爹牛肉麵同熱奶茶三十蚊唔洗,以旺角嚟講都幾平.
牛油餐包食落鬆軟而富彈性,有牛油香同甜香.火腿奄列嘅蛋煎得唔鞋,夾晌中間嘅火腿絲唔死鹹.沙爹牛肉麵嘅沙爹牛肉份量唔少,調味濃度適中,冇被鬆肉粉醃得過頭,仍食到一啲肉香,麵量亦非常多.
熱奶茶茶味唔算濃郁,但口感順滑.
食完之後就聽到呢度快將結業嘅消息,只能夠講世事變幻莫測,真係有啲可惜.
沒有留言:
張貼留言