想快快食完就走,就去咗附近間翠河.
叫咗菠蘿豬扒焗飯同熱奶茶,個焗飯拎嚟時啲汁仲晌度冒緊熱氣泡,證明係即叫即焗.
上面啲芝士碎數量都唔少,底下就係蛋炒飯,飯炒得幾乾身.豬扒就預先切咗幾件,食得方便啲.而個醬汁入面就有紅蘿蔔,西芹,薯仔同洋蔥,不過就唔多覺有番茄肉或番茄皮,食落冇咩酸味同甜味，係一般茶餐廳常見嗰種港式茄汁嘅感覺.
五分鐘船程嘅築地 ~ 築地山貴水產市場
由尖沙咀嗰邊搭天星小輪,大約五分鐘左右船程就嚟到灣仔碼頭嘅築地山貴水產市場,幾方便. 呢度係由日本東京築地市場嘅批發商經營,落戶香港約一年左右. 入面嘅海鮮係由日本同世界各地直送,一直好想嚟試,呢日終於成行. 入口附近係零售區,售賣唔少日本產嘅食品同飲品,另外...
-
諗唔到食乜,就去咗譚仔三哥買外賣返去食. 成日都食三哥酸辣湯底,呢次就食下煳辣湯底,都係揀咗中辣,湯質比較濃稠,飲落有啲啲黏口感,辣度就好似比三哥酸辣稍弱,味道亦稍稍鹹一啲啲,但就幾有香料香,唔係只係得辣味,口感好似比較豐富,感覺都唔錯. 湯入面本身就有芽菜,韭菜,腐皮,另外加咗... -
去咗金城食嘢. 餐廳入面貼咗好多勵志金句,例如係呢句"是非天天有,不聽自然無". 我哋叫咗兩份餐,揀咗熱奶茶同凍奶茶,茶味同奶味算平均. 沙爹牛肉通粉嘅通粉煮得稍腍,沙爹牛肉嘅份量就唔算少,肉質軟滑不失肉味.火腿奄列蛋皮煎得唔嚡,中間仲有蛋汁流出,火腿絲又...
沒有留言:
張貼留言