同朋友去食個午餐,呢度係用湯飯做主打.
朋友嘅胡椒味菜豬肚湯飯,佢話味道有啲濃,但冬天食呢個胡椒豬肚就可以暖胃同驅寒,感覺都唔錯嘅.
我嘅湯飯DIY,配料揀咗雞肉片,鮮牛肉,勝瓜,湯入面就有鮮番茄,唐芹,木耳等,肉類嘅份量唔少,雞肉切得幾厚,同埋食起嚟似係用咗米酒之類調味,牛肉口感爽腍,勝瓜亦算香甜脆口.
我仲轉咗有機藜麥飯,白飯中加咗唔少紅色藜麥,煮得煙韌有嚼勁,軟腍適中.原本係加晌湯入面做湯飯嘅,不過我就比較鍾意一啖飯一啖湯咁食,口感更佳.
凍檸茶,熱奶茶,飲品唔算特別出色,同埋午餐係要另外加錢先有嘅.
晌出面食嘢唔多唔少都可能會有少少味精之類,但呢次食完之後都冇乜口渴嘅情況,加上蔬菜都幾多,調味又唔會太鹹太重,而且藜麥係近年新興嘅超級食物,營養豐富又飽肚,感覺都幾健康.如果揀配白飯或三色飯嘅話仲可以免費添加,對於男士嚟講就唔怕食唔飽喇!
沒有留言:
張貼留言