同人去咗Bene Pizza + Pasta食晏,跟餐揀咗配南瓜湯,飲落微甜清淡.
主菜就係意式香草麵包配炸魚柳火箭菜及他他汁,入面仲有炸薯角同雜菜沙律伴碟.意式香草麵包軟熟同埋香草味好香,中間嘅魚柳炸得香脆,冇額外嘅油份,配上微酸嘅他他汁同埋澀澀哋嘅火箭菜,都幾惹味.
烤燒豬柳扒配香煎蘋果炸薯角及燒汁,豬柳扒燒得肉質鬆化,當中仲有唔少肉汁,蘋果就有焦香,底下仲有啲黃色綠色嘅意大利青瓜,夾埋一齊食都幾討好.
個餐包埋餐飲,我哋叫咗熱檸水,食完嘢飲下檸檬類嘅飲品,既健康又消滯.
食得飽飽,感覺唔錯.
沒有留言:
張貼留言