原本想食另一間,不過因為滿咗就食附近嘅永利清湯腩.
當時係得一檯客,但坐低冇耐就陸續有食客嚟,之後仲要等位.
粉麵最貴只係四十蚊左右,仲包飲品一杯,冷熱同價,以呢邊嘅物價嚟講算合理.
凍奶茶奶味較重,冇乜茶味,而且味道稍甜.
清湯坑腩金錢肚飯,配飯嘅話清湯另上.金錢肚軟腍.坑腩極肥.好彩唔算膩.
清湯爽腩牛筋河粉,爽腩爽口,牛筋易嚼,清湯唔濃但味夠.
我哋加咗碟淨蘿蔔,煮得非常透同冇渣.
佢哋嘅辣椒油加咗炸蒜,對我嚟講辣度非常輕微,不過都幾香.
呢度嘅牛腩質素中等,唔算非常出色,而且數量頗少. 其實馬鞍山區內連鎖店林立，小店要賴以生存都唔係易事,而且香港舖租人工皆貴,加上牛腩一向成本較高,所以呢個價錢同呢個份量叫做可以接受.
沒有留言:
張貼留言