煎餃 ~ 美味餃子店

呢度除有自家人手包製嘅餃子外,仲有車仔麵等食物,然而我係為餃子而來,已別無他選.

佢哋只有雲耳椰菜肉餃,韭菜肉餃,白菜肉餃三款口味,然後就係湯餃或煎餃,細碟(七隻)或大碟(十隻)之分,選擇上可謂貴精不貴多.


煎餃係雲耳椰菜肉餃拼韭菜肉餃,外皮煎得乾身呈金黃色,有如細細嘅金元寶,雖然某幾隻餃子開口裂開,但外觀仍算吸引,且可清楚睇到均等嘅摺痕.

煎嘅雲耳椰菜肉餃餡料爽口,餃皮就幾香脆,韭菜餡嘅香味就比較濃烈.
 

枱上面仲有可以自己隨意添加嘅調味料如紅醋等,當中以自製菜脯最為吸引,入面混有豆豉同辣椒片,辣度頗強,食落既香又惹味.可惜冇樽裝發售,如果唔係就可以買返去慢慢食喇!